Katika maisha kuna mambo mengi sana ya kutisha na kuogopesha lakini nakuambia ndugu yangu usiogope.
Kimsingi neno "USIOGOPE" katika Biblia limeandikwa zaidi ya mara 360 hii ina maana kila siku Mungu anakuambia usiogope kwa kuwa mwaka unazo siku 360, hivyo usikubali hofu isikutawale. Woga siyo hali bali ni roho kamili tena ya haitokani na Mungu na kisicho cha Mungu ni cha Shetani ukisoma 2 Timotheo 1:7 inasema:
"Maana Mungu hakutupa roho ya woga, bali ya nguvu na ya upendo na ya moyo wa kiasi"
Hivyo woga ni roho kama ilivyo roho ya umaskini, uasherati & uzinzi, wizi, uchawi, uongo na mengine mengi na mwenye kuipa nafasi roho ya woga kumtawala hakika ataukumiwa tena hukumu yenyewe ni moto wa Jehanamu, hebu soma andiko hili la Ufunuo 21:8 linasema:
"Bali waoga, na wasioamini, na wachukizao, na wauaji, na wazinzi, na wachawi, na hao waabuduo sanamu, na waongo wote, sehemu yao ni katika lile ziwa liwakalo moto na kiberiti. Hii ndiyo mauti ya pili"
Tunaanza kuona mtu wa kwanza kutupwa motoni (Jehanam) ni Mwoga na tunaonyeshwa woga ni dhambi tena sawa na dhambi ya kuchukiza watu, kuua, kuzini, kufanya uchawi, kusema uongo na nyengine. Unaweza uchukie wachawi na kumbe upo sawa nao yaani waendapo na wewe uliye na woga utaenda tu hata kama unafunga na kuomba hata kwenda kanisani, andiko hili linatuonyesha mwenye pepo kwa maana ya roho ya woga au mwenye woga ni sawa na mtu hasiye mwamini Yesu maana hasiye mwamini Yesu atakapo kuishia na mwenye woga ataishia hapo.
Bwana Yesu mara nyingi alipoona wanafunzi wake wana hofu au woga aliwaambia wawe na amani tu,
"Amani nawaachieni; amani yangu nawapa; niwapavyo mimi sivyo kama ulimwengu utoavyo. Msifadhaike mioyoni mwenu, wala msiwe na woga"
Bwana Yesu anasema anatupa amani yake, je umeelewa anamaanisha nini? Kimsingi amani zipo nyingi sana duniani na kuna wengi utoa amani hapa duniani kama mume, mke, baba, mama, ndugu, rafiki, bosi, wafanyakazi wenzako, watoto wako, wanafunzi wenzako, viongozi wako wa kiserikali au kiroho, watu wa insurance na wengine wengi lakini Bwana Yesu anasema yeye naye anayo amani yake ambayo utoa yaani ni yake alikuwa nayo yeye sasa anakupa wewe, alikuwa akitembea nayo alipokuwa akipingwa na ndugu zake, viongozi wa dini, viongozi wa siasa, wayahudi hata aliposalitiwa na mwanafunzi wake alikuwa nayo usiku ule, hata alipopelekwa kwa mfalme Herode, Gavana Pilato na Kuhani Mkuu Kayafa alikuwa nayo hakuangaika kujitetea alikuwa na amani hiyo hata alipopigwa mijeredi, alipovikwa taji ya miiba, alipopigwa mawe, alipotemewa mate hata alipokanwa mara tatu na mwanafunzi kipenzi Petri bado hakuwa na hofu wala woga maana alikuwa na amani hii ya ajabu analiyotupa pia hata alipotundikwa msalabani alikuwa nayo hata alipoachwa na Baba na Roho Mtakatifu msalabani akalia Eloi, Eloi, lama sabakthani? yaani "Mungu wangu, Mungu wangu, mbona umeniacha?" hili ni swali la kuuliza sana maana heri wakuache watu utakimbia kwa Mungu na kujifaliji kwake lakini kama Mungu amekuacha utaenda wapi? Yesu aliachwa na Mungu, aliachwa na ndugu zake, aliachwa na Baba yake Yusufu, aliachwa na wanafunzi wake, aliachwa na watu wote aliowaponya, kuwafufua na kuwatoa mapepo akabaki peke yake lakini alikuwa na amani bado hata alipokufa alikufa nayo na alipofufuka alifufuka nayo siku ya 3 akawatokea wanafunzi wake katika chumba chenye giza wakiwa wamejaa hofu na woga kila upande kutokana na mambo ya kuogofya walioyaona na kusikia lakini Bwana Yesu alizuka na Nuru kubwa katika yao ikaangaza upande zote za chumba kile na kitu cha kwanza aliwatakia amani yake iwe nao kwa kusema "AMANI IWE JUU YENU" si chini yenu ni juu, amani inatakiwa kuwa juu siyo chini yao. Amani inatakiwa kuwa juu yako ikuangazie kila giza la hofu na woga litoweke kwako.
Je umeachwa na watoto, umeachwa na ndugu au mume/mke, umepoteza kazi, ni mgonjwa na hospitali wamesema uwezi kupona au gharama za matibabu ni kubwa kuliko uwezo wako, je kuna watu wanakusema vibaya kazini au mtaani na kukuchafua hakika usiwe na woga juu ya hilo tafuta amani ambayo Yesu alituachia amani yenye kushinda magumu na mepesi, amani ya kushinda aibu, maumivu, chuki, majuto na mengine mengi.
Kuna wakati tunatafuta amani ya Yesu tunajikuta tunaingia kutafuta amani ya ulimwengu.
AMANI YA ULIMWENGU NI NINI?
Amani ya ulimwengu ni amani ambayo inatokana na duniani yaani materials za kimwili au mambo ya kimwili, mfano kuna mtu anayo amani ya kidunia kwa kuwa anayo fedha, anazo nyumba, anaye mke/mume mzuri, anayo kazi nzuri, anayo biashara nzuri na inaenda vizuri, anayo magari yame paki nje, anayo afya nzuri, watoto wazuri basi unakuta hivi vitu vinampatia Amani bila kujua amani hiyo ni feki, ni amani ya uongo tu. Nitofauti na amani ya Bwana Yesu na ukitaka kujua hebu subiri biashara iyumbe, apoteze kazi, afiwe na watoto, afiwe au kuachwa na mume/mke, afilisike mali zake hakika utamwona akipata ukichaa, akitaka kujiua na mambo mengine mengi, amani ya dunia ni amani ya mda ambayo upata ukiwa na vitu fulani ila ukipoteza amani upotea pia lakini sivyo amani ya Bwana Yesu ilivyo, yenyewe ni tofauti, haiangalii vitu wala watu, haina majira wala wakati ukaa na mtu katika wingi hata uchache wake ni amina na kweli.
Ayubu aliwahi kuwa nayo amani ya namna hii alipokuwa na mali, afya, watoto, mke, biashara kubwa, mifugo, mashamba na umaarufu alikuwa nayo amani lakini ulipokuja wakati wa kupoteza vyote aliendelea kuwa nayo hata alipokuwa akitazamia mauti kwa ugonjwa uliompata alikuwa na amani ya Yesu na akapita kutoka mauti na kuingia uzimani.
Je unayo amani ya ulimwengu au ya Bwana Yesu?
Je ulipopoteza, ulipoachwa, ulipopingwa, ulipotukanwa, ulipodanganywa, ulipoibiwa, ulipoteswa ulikuwa na amani au uliishia katika dimbwi la hofu na majuto?
Usiogope mtu wa Mungu, jipe moyo mkuu, beba amani ya Kristo juu aliyotuachia na utapita hapo ulipo maana hakuna ambaye aliwai kumtumaini akapotea au akaaibika daima.
JINSI YA KUIPATA AMANI YA BWANA YESU
1. Kusoma Neno la Mungu
2. Kutafakali Neno la Mungu
Neno la Mungu huwa alisomwi kama gazeti au kitabu maana ni neno la kiroho, Biblia ni kitabu cha kiroho siyo kitabu cha kimwili hivyo ili kupata kile ambacho Mungu kakusudia sisi kukipata katika neno lake ni lazima kusoma kwa tafakali, kwa maana kwa umakini huku ukijioji na kupambanua na kukitafsiri moyoni mwako kwa utaratibu, usiache neno, sentensi au kifungu bila kuelewa.
3. Kulichukulia hatua.
-Baada ya kusoma kwa tafakali na kujua Maana alisi unaweza kupata nguvu ya kiroho ya kuchukua hatua kutendea kazi hilo neno na unapolitendea kazi ndipo ahadi ya Yesu juu ya amani yake kukaa kwako uanza kutimia Maana uanza kutenda na kuishi kama yeye alivyoishi duniani.
4. Kuwa tayari kulipa gharama.
- Shetani atajitaidi kukutisha kwa kuinua vizuizi unapokuwa unashika neno la Mungu na kulitendea kazi kwa mfano unaambiwa usiseme uongo na wewe unakusudia kutimiza hilo lakini cha ajabu kunainuka jambo la aibu, hasara, lawama na ili kukwepa ni kusema uongo hivyo unajikuta unasema uongo nataka kukuambia mtu wa Mungu na unisikie kuwa katika kushika neno la Mungu kuna gharama zake, lazima kulipa. Ni vizuri kuwa tayari kuzilipa iwe kwa vitisho, aibu, lawama au chuki baki kuwa mkweli na mwaminifu ili amani ya Kristo iwe juu yako.
FAIDA ZA KUWA NA AMANI YA MUNGU
1. Kushinda majaribu
Mtu ambaye anayo amani ya Yesu Kristo daima ni mshindi kwa majaribu yote ya mpatayo Maana huwa hateteleki wala kurudi nyuma na ushawishi wa Shetani hauna nguvu kwake.
2. KUWA NA MAAMUZI YA KIMUNGU THABITI
Mtu mwenye amani ya Kristo hawezi kupelekeshwa na maneno ya watu, stress (msongo wa mawazo) na mambo mbalimbali hivyo uweza kupanda maamuzi ya kimungu na yenye faida, wakati mtu amejaa stress huwa yupo tayari kupokea ushauli kwa mtu yeyote, hofu umefanya mtu kuangaika mlango wa kutokea magumu aliyonayo hata kama ushauli mbovu hawezi kuchambua maana akili yake haipo sawa kwa sababu ya hofu.
Nakuombea Mungu akupatie ufunuo zaidi juu ya swala hili na hakika utakapotendea kazi utahama na kuwa mtu mwingine kabisa na hakika hakuna magumu ambayo yatakushinda utaishi maisha ya ushindi daima.
Mwl Judicate Fredy
+255623655889
www.judicatemnyone@gmail.com
Usikubali hofu kutawala maisha yako
ReplyDelete